給驚溫的......驚溫結我的......

danny126

哩兩日,天ser搞成咁......好多人話唔玩喇......

      講真,玩左3年多,已經變成習慣~依家on,都為左同朋友吹水,刷野打寶已經其次~放工番黎on,見見朋友,傾下心事,哩幾年都培養左一段感情~試過冇玩,但結果都番番黎,因為情~
      今次壞ser,你地以俾幾多回贈我地,哩一刻,我唔care,因為我地哩兩日所失去既,無論點,都賠唔番~我地用左3年既時間,3年既光陰去玩哩隻game,可惜依家搞成咁,你俾番10粒7石我都冇用,因為,好多玩家已經退落黎......
      我唔寄望今次你地會做D咩,因為你地做咩都補償唔到,失去左既野,已經失去左~喺你地令我一隻咁好既game越搞越差,真架,天龍真喺好好玩,我試左超過廿隻其他既,但最終我都回歸天龍~但你地俾左D咩我地?我地為左隻game付出過幾千幾萬幾十萬,三年後今日,就因為你地壞ser,令我地非常失望------你地冇好好咁重視我地既天龍~

      3年多,感謝天龍俾我其中一個寄託~


      ps:希望版主唔好封我哩個帖,因為我並非抱怨,而喺有感而發~我想知其他天ser甚至天龍玩家會點睇~我將主題定為"影圖分享",主要因為,我只想同大家分享,我玩左天龍3年幾既感覺~

danny126

月落凡塵、

其實樓主五洗做到五玩..甘令到更多人放棄天ser.希望驚温會吸取教訓

benny9675

唔通要學巨版鏟上gameone?_?

danny126

如果情況一路都咁,每個仲會on既玩家都只會為吹水,咁樣,我冇需要再on天龍啦~
唔喺我想唔想玩,喺,我入天龍冇野刷冇野做,on黎根本冇咩用!!哩一刻,我幫已經有2個話唔再玩......其他ser既人應該好難理解到......哩2日既問題嚴重性~

月落凡塵、

距地搞到甘.又五係我地錯..鏟距咪鏟距

danny126

雖然規模唔同,但依家俾我感覺喺......似沙士時期,全香港一齊想去遊行,果種感覺~成個"香港"死氣沉沉,好嬲怒,但又唔知可以做D乜,見住個"政府"又廢又搞獲粥出黎,唉........

月落凡塵、

唉﹋..﹋果果都話五放/轉ser...

浪跡天涯002

樓主令到我都有感而發。

最近落黎天龍版多數都係以版主身份發言了。

諗起做版主之前天龍呢隻遊戲同討論區都何其風光。我原本起天山童都識左好多好多朋友，但係代理愈搞愈令人無癮，漸漸地，上年我見到自己好友名單已經冇乜人上線。

因為我為人比較怕寂寞，所以我轉左去慕容山莊發展。
慕容山莊初期真係幾得意，惡人谷同名門比左好多娛樂我。後尾知道九少父子，太平紳屎呢Ｄ天山童人士都黎左慕容山莊，就以為呢次可以有排玩。

點知，驚溫的潛能真丹再一次打沉左我既好友名單。

依家我慕容山莊隻逍遙，真係比我完全雪藏。上線，搵唔到朋友，副本又少人刷。洞入面都變到好少人。
亦因為天龍既衰落，上頭要我調去未出世既九陰真經版幫手，我答應了。

自此，我就連天龍版都少入。

天龍的確係一隻好遊戲黎，我自問作為一個學生，都算使左唔少錢。但買既唔係石頭，唔係裝備，係朋友，係一段段既友誼。

依家，我感覺自己Ｄ錢使得好唔值。

驚溫，你點賠都賠唔番。

danny126