入黎討論一下,有關石器2的制度(月費定商城?)

笨威ｂｂ

石器係香港頭三隻ONLINE GAME之一,由石器1.0開始,我就接觸網上遊戲
由多數既月費制,玩玩下變左商城
本身,大家都係好小討論月費制既野,討論都係有關於係咪太貴?
之後,出左商城
大家好多時候係討論區,都見到玩家既憤怒文(有錢玩哂啦!,隻GAME勁呃錢!,大家覺得X龍屈錢D定係XX屈錢D呀?)等等一大堆文章
都出現好多有錢玩家既白痴語言,例如(無錢唔好打機啦,係有錢玩哂GA啦),但係試問,一隻遊戲,係咪只FOR有錢玩家玩呢?係既話,我諗人數都唔多,咁到時就鬥燒錢吧
仲有,以前既月費制,就算你多有錢,都無用,大家用既係努力,鬥既係技術,你有錢,俾你買十幾個包啦,有十幾隻勁寵,無技術,你一樣輸.
但係商城制唔同左,有錢,D裝勁你十幾倍,能力差唔多雙倍,出一隻寵,人有你無,就算你用好多零用錢去買左一隻番黎,人有你有,都會有其他商城物品去加強隻寵.連隻寵都輸雙倍唔止,仲要有D一按補滿血既藥啦,死左識復既野啦.等等屈機既[港幣道具].令到隻遊戲真係有錢玩哂.有技術,幾努力!無用!

所以,我好希望,石2可以同以往既石1一樣,繼續舉行月費制.始終,香港SER,本身人數以經比唔上其他地區既SER.
(由所有,有分香港SER既遊戲進行統計開始,邊一隻GAME維持到?事實及數據証明,香港SER係唔WORK的)
如果根據以上因素,仲推出商城制,使玩家因為無錢唔夠人玩而流失,我相信石2就算有石1咁好既班底,都一樣好快玩完

==================P.S=================
GM俾人投票,有一項係寫,月費同商城並行(我唔知點解會有人投,一樣野屈機唔夠皮,仲要定期俾佢屈多筆?你估兩樣野並行,商城D野會出小D?唔好笨唔該)
請大家唔好再以(咁遊戲公司賺乜?)呢類原因了,始終,係我地玩家想點玩,唔好話我自私,的而且確,人不為己,天誅地滅,係玩家為自己爭取既時候了.你地唔係遊戲公司,唔好幫遊戲公司搵藉口了,如果要幫佢講埋呢D原因出黎,咁不如你直接送錢去佢門口.

climbz20539

我絕對讚成月費~_~
即使每個月比D都冇咩所謂,好過比D有錢人破壞隻GAME既平衡
但係 GM幾時有比過人投票-,- 冇留意

Y•Kuen

讚成都冇用
去巴x睇 一早己定左免費

jacky3032

唉…真係出商城好無謂俾d有錢人玩哂`

笨威ｂｂ

其實,我一路都覺得,如果玩家夠團結,就算幾定左既野,我地都尚可以係佢未開始既時候盡最後一份力
盡左力,得唔得都好過遲d出左商城先黎灰暗啦..

白狼飛雹

商城制一定燒錢?
月費制一定唔係有錢大哂?

我同你講
玩石1果陣我一個月賺千幾二千蚊

我屋企有3部腦
果陣我10個ac去掛材料整海底裝賣

唔駛話直接賣比玩家
就算經中間人賣一樣賺
連d ac既月費唔駛我出

唔理你商城制月費制咩都好
永遠係有錢大哂
商城只係提供左個平台
等你唔駛咁煩去搵賣家

就算你商城制唔賣裝
你有心一樣可以搵到職業玩家買勁裝

除非你隻game真係好似勁舞團果d咁既純技術game
否則一定係邊個有錢就邊個著數

所以商城月費完全冇關係
要打擊有錢大哂呢樣野
可以要求石器2官方好似魔獸世界咁杜絕現實買賣
之但係官方會唔會聽你講呢?
現實買賣係咪真係可以杜絕呢?
大家心中有數啦









以下係個人感想

唔好成日話有錢人玩哂   有錢有哂神裝勁裝   普通人唔駛玩啦
人地就算燒錢玩遊戲一樣叫付出
有付出自然應該有相對應既收獲
網路世界中係咁
現實更加係咁


有人話付出左唔一定有收獲
我可以講
收獲一定有
但未必係以你想要既形式出現ja

你唔肯付出    唔肯比錢落去玩o落
咁你得到既咪少d囉    好公平ja?

你付出唔到金錢
咪付出時間精神囉
你一日玩20個鐘我相信頂得過人地燒錢玩10個鐘既

你玩20個鐘唔通果d唔比錢玩又淨係玩幾個鐘果d又話唔公平
話唔應該比你玩20個鐘    應該我玩幾耐你玩幾耐呀?

諗下啦






雖然我唔會燒錢玩遊戲

︴紙醉金迷@HeE

就算係商城,都未必係有錢玩晒!!!

[H]fung0207

講真~~呢個世界冇一樣野係公平
時間=金錢呢個道理大家都知
你唔想哂咁多時間去練等掛裝既~用金錢吧
你唔想哂咁多金錢去練等掛裝既~用時間吧
我覺得只要商城d野唔係屈得咁過份就得嫁啦~
如果出到10-100倍經驗卡既話~我投降

丫邪

免費好d
可以比d 冇咩錢玩d月費game既人
試下玩

我要咀咀

我想說.
只要有技術, 有錢和沒錢都可能成高手.